மூத்த ஆளுமை கலாபூஷணம் பீ.ரீ. அஸீஸ் அவர்களுடனான நேர்காணல்
நேர்கண்டவர் - வெலிகம ரிம்ஸா முஹம்மத்
உங்களது பூர்வீகம், பாடசாலை வாழ்க்கை, தொழில் அனுபவம் ஆகியவற்றைப் பகிர்ந்து கொள்ளுங்கள்?
பூர்வீகமாகக் கொண்ட எனது தந்தை ஒரு விவசாயி. நான் சிறு வயதாக இருக்கும் போதே அவர் காலஞ் சென்றுவிட்டார். தாய் கிராமியக் கவித் துறையிலே பெயர் பெற்றவர். சிறந்த கதை சொல்லியும் கூட.
முள்ளிப்பொத்தானை அல்-ஹிஜ்ரா தேசிய பாடசாலை, பெரிய கிண்ணியா ஆண்கள் பாடசாலை, கிண்ணியா மத்திய கல்லூரி என்பவற்றில் கல்வி கற்று சமூக விஞ்ஞானம் டிப்ளோமா பெற்றதோடு, இலங்கை தொழிநுட்பவியலாளர் சேவை பரீட்சையிலும் தேறினேன். 1992 இல் குருணாகல் தாதிய பயிற்சிக் கல்லூரியில் நேசிங் பயிற்சி நெறியினை குறிப்பிட்ட ஒரு காலம் பெற்றுள்ளேன். கொழும்பு உலகலாவிய தொற்று நோய்த் தடுப்பு நிலையம் (புகுயுவுஆ) வேலைத் திட்டத்திலும் பல வருடங்கள் பணிபுரிந்துள்ளேன். நெல் சந்தைப்படுத்தும் சபை கூட்டுறவு முகாமையாளர் பொதுக் சுகாதார வெளியக உத்தியோகத்தராக கடமையாற்றி தற்போது ஓய்வு நிலையிலுள்ளேன்.
எனது முதலாவது எழுத்து முயற்சி 1974 ஆம் ஆண்டு நான் சிறுவனாக
இருக்கும்போது தினகரன் பத்திரிகை மூலமாக தொடங்கப்பட்டது. 'பேசும் தெய்வம்' என்ற சிறுவர் பாடலே எனது முதலாவது எழுத்து முயற்சியாக அமைந்தது. படிப்படியாக இது வீரகேசரி, ராதா, மித்திரன், தினபதி, சிந்தாமணி, தினக்குரல், நவமணி, விடிவெள்ளி என விரிவுபட்டுச் சென்றது. இன்றைக்கும் இப்பத்திரிகைகளே கை கொடுத்து நிற்கின்றன. அவைகளுக்கு என்றைக்கும் நன்றியும் வாழ்த்துகளும் உரித்தாகும்.
இலக்கியத்தில் பல்வேறு வகைப்பட்ட பிரிவுகள் இருக்கும்போது ஒரு சில வகையில் மட்டும் கட்டுப்பட்டு நிற்க, மனசு இடம் தராததினாலும், பன்முக ஆளுமை எனக்குள் நிறையவே இருந்ததினாலும் பல்வேறு வகையான ஆக்கங்களையும் எழுதத் தொடங்கி அதில் பெயரும் பெற்று வெற்றியும் கண்டேன்.
படைப்புகளுக்கான கருப்பொருளை ஒரு போதும் தேடியலைவதில்லை.
அன்றாடம் வாழ்வில் நடப்பவை. பிறரிடம் காண்பவை, படித்துணர்வது போன்ற அனுபவப் பகிர்வுகளே இந்த கருவூலங்களைப் பெற்றுக் கொடுக்கின்றன. இவைகள் நல்ல படைப்பாக்கத்திற்கு பெரிதும் துணை புரிகின்றன.
கவிதைகள் எவ்வாறு படைக்கப்படல் வேண்டும்? ஒரு சிறந்த கவிதை எதனைப் பிரதிபலிக்க வேண்டும்?கவிதைகள் இவ்வாறுதான் இருக்க வேண்டும் என்றொரு விதிமுறை தொன்றுதொட்டு இருந்து வந்தது. ஆனால் தற்போதைய காலகட்டத்தில் அவை இல்லாமற் செய்யப்பட்டு, புதுப்புனலாக கவி வண்ணம் ஊற்றெடுத்து பாயத் தொடங்கியுள்ளதால் கவிதையின் வளர்ச்சிப் போக்கில் காத்திரமான மாற்றங்கள் ஏற்படுவதில் ஈழத்துப் படைப்பாளிகளிடமிருந்து சிறந்த படைப்புகள் வெளிவரத் தொடங்கி இருப்பதானது மிகுந்த சந்தோசமளிக்கிறது. மேலும் கவிதை புதிய உயிரோட்டத்தோடு நவீன பாதையில் பயணிக்கவும் தொடங்கியுள்ளது. சிறந்த கவிதை எதைப் பிரதிபலிக்க வேண்டுமெனில் அது வாசகர் மனங்களைத் தொட்டு நின்று தன் கருத்துக்களைச் சொல்ல வேண்டும்.
பாடல்கள் எழுதியுள்ளீர்கள்?
ஆம், நான் பல்வேறு மெல்லிசைப் பாடல்களும் எழுதியுள்ளேன். அதில் அநேகமானமை இஸ்லாமிய பாடல்கள். சுமார் 25 வரையான பாடல்கள்களை இதுவரை எழுதியுள்ளேன். இதில் ஒரு பாடல் 2019 ஆம் ஆண்டு திருகோணமலை மாவட்ட செயலகத்தில் இடம்பெற்ற கலைப் பெருவிழாவில் மேடையேற்றப்பட்டு பணப் பரிசு, பாராட்டு, சான்றிதழ் என்பன பெற்று பிரபல்யம் பெற்றது குறிப்பிடத்தக்கது. எமது முன்னோடிகள் கலை இலக்கிய வட்டத்தின் மாணவர்களால் இப்பாடல் அரங்கேற்றப்பட்டது.
கவிதை வேறு. பாடல் வேறு. இரண்டும் ஒன்று போல் இருந்தாலும் இவற்றுக்கிடையே நிறைய வித்தியாசங்களைக் காணலாம். பாடல் ஒரே சீரான இசை நயத்திற்கும், தாளத்திற்கும் ஏற்ப தன்னை சீரமைத்துக் கொள்ளும். கவிதை அதன் வடிவில் நின்று தன் கருத்துக்களை எடுத்துச் சொல்லும்.
இதுவரை 20 க்கும் மேற்பட்ட நூல்களை எழுதி வெளியீடு செய்துள்ளேன். கவிதை நூல், சிறுவர் படைப்புக்கள், கிராமிய நூல்கள் உட்பட சமய நூல்களும், தொகுப்பு நூலும் இதில் உள்ளடக்கம் பெறுகிறது. 2011 மே மாதத்திலிருந்து தொடங்கிய நூல் வெளியீடு இதுவரை எதுவித தடங்களுமின்றி சென்று கொண்டிருப்பது சந்தோசமளிக்கிறது. மேலும், 'முத்துக்கள்' எனும் பெயரில் கையெழுத்துப் பிரதியும் 'அலையோசை', 'கவிச்சரம்' போன்ற தட்டச்சு சஞ்சிகைகளையும் வெளியிட்டுள்ளேன்.
இது எனது முதலாவது நூலாகும். இதனோடு, 'சிறுவர் பாடல்கள்', 'அஸீஸ் கவிதைகள்' ஆகிய நூல்களையும் ஒரே தடவையில் எழுதி முடித்து ஒன்றாகவே வெளியீடு செய்தேன். இதில் 'உணர்வூட்டும் முத்துக்கள்' சிறந்த வரவேற்பினையும், இலக்கிய உலகில் பல நட்புறவுகளையும் பெற்றுத் தந்தது. இந்நூல் வாழ்வியல் சார்ந்த கருப்பொருட்களை உள்ளடக்கமாகக் கொண்டுள்ளது. வாழ்விலேற்படும் இன்ப துன்பங்கள், ஏற்ற இறக்கங்கள் என பல அம்சங்களும் இதில் இடம்பெற்றுள்ளன. இந்த நூலோடு வெளியிடப்பட்ட சிறுவர் பாடல்கள் நூல் 2011 இல் மாகாண சாகித்திய விருது பெற்றது.
நூல்களை வெளியீடு வெய்வதில் சிரமங்கள் எதனையும் எதிர் கொள்ளவில்லை. தட்டச்சு வடிவமைப்பு, ஒப்பு நோக்கு போன்றவற்றில் சிறிது காலதாமதம் ஏற்பட்டது. தற்Nhது அவைகளை நானே மேற்கொள்வதால் இப்பணி மேலும் இலகுபடுத்தப்பட்டுள்ளது.
சில தொகுப்பு நூல்களையும் வெளியிட்டதாக அறிகிறேன். அவ்வகையான நூலை வெளியிடுவதற்கு யார் யாரெல்லம் உந்து சக்தியாக இருந்தார்கள்?
தொகுப்பு நூல் வெளியீடு செய்வதற்கு எனது தலைமையில் இயங்கும் முன்னோடிகள் கலை இலக்கிய வட்டத்தினர் பெரிதும் ஒத்துழைப்பு நல்கினர். அவர்கள் அனைவரையும் இச்சந்தர்ப்பத்தில் மிகுந்த நன்றியோடு நினைவுகூறுகிறேன்.
நிறைய சிறுகதைகளை எழுதியுள்ளேன். அவைகளில் குறிப்பிட்ட சிலவற்றை தேர்ந்தெடுத்து கூடிய விரைவில் சிறுகதை நூலொன்றினை வெளியீடு செய்ய உத்தேசித்துள்ளேன். இது கால தாமதமானதற்கு விசேட காரணங்கள் எதுவுமில்லை.
சிறுகதைகள், கவிதைகள் எப்படியான சந்தர்ப்பத்தில் எழுதுகிறீர்கள்?
ஓய்வு நிலை உத்தியோகத்தரான நான் சிறுகதை, கவிதைகளை மற்றும் இலக்கியப் படைப்புகளை எனது ஓய்வு நேரங்களைப் பயன்படுத்தியே எழுதி வருகின்றேன். குறிப்பாக பிற்பகல் 2.00 மணியிலிருந்து 4.00 மணி வரையிலான காலப் பகுதி எனக்கு மிகவும் பொருந்தி வருவதோடு அந்த நேரத்தில் எழுதும் எண்ணமும் புது உற்சாகமும் ஏற்படுகின்றது. சிந்தனை வளமும் சிறந்த கருத்துக்களும் கூட அப்போதுதான் கூடியளவில் தோற்றம் பெறுகிறது.
பொதுவாக கலைஞர்கள் மற்றும் பிரபலங்கள் மக்கள் மத்தியில் பேசப்படுவார்கள். ஆனால் அவர்களது நிஜ வாழ்க்கை சோகம் நிறைந்ததாக இருக்கும். இதனை நீங்கள் ஏற்றுக் கொள்கிறீர்களா?
சிறுவர் இலக்கியத்தில் அதிகமாக ஈடுபாடு காட்டி வரும் தாங்கள் அதிக சிறுவர் நூல்களையும் வெளியிட்டுள்ளீர்கள். அவ்வாறு நூல்களை எழுதும் போது எவ்வாறான விடயங்களை மனதிற் கொள்வீர்கள்?
சிறுவர் இலக்கியங்களைப் படைக்கும் போது இவை சிறுவர்களின் மனங்களில், அவர்கள் நற்பிரஜையாக வாழக்கூடிய மனோ நிலையை ஏற்படுத்த வேண்டும் என்றே நினைத்துக் கொள்வேன். சிறுவர் சமூகம் நல்லவர்களாக இருந்தால்தான் எதிர் காலமும் நாடும் சிறக்கும். வளங்கள் பெருகும் நல்ல வழியும் பிறக்கும். 
சம காலத்தில் நாவல் இலக்கியங்களின் வரவு வெகுவாகப் குறைந்துள்ளதே, ஏன் நீங்கள் இத்துறையில் ஈடுபடவில்லை?
நீங்கள் சொல்வது உண்மைதான். இதுவரை நாவல் எழுத வேண்டும் என்ற ஆர்வம் எனக்கு ஏற்படவில்லை. முயன்றால் முடியாது ஒன்றுமில்லை. உங்களது வேண்டுகோளின்படி சில மாதங்களில் நாவலுருவாக்கத்திற்கு முயற்சிப்பேன்.
இலக்கியத்தின் மூலம் இன ஒற்றுமையைக் கட்டி எழுப்ப எந்த வகையான
முயற்சிகளை முன்னெடுத்து வருகிறீர்கள்?
இவர்களோடு நல்லுறவை பேணுதல், கலை நிழக்வுகளை நடத்துதல், கலாசார பாரம்பரியங்களை பரிமாறிக் கொள்ளுதல், சகோதர சமூகத்தவரின் உணர்வுகளுக்கு மதிப்பளித்தல் போன்ற பல்வேறுபட்ட செயற்பாடுகள் மூலமாக இன நல்லுறவினை ஓரளவேனும் ஏற்படுத்திக் கொள்ள முடியும். இந்தவகையில் இதற்கான முயற்சிகள் என்னால் முன்னெடுக்கப்பட்டே வருகின்றது.
பல தசாப்த இலக்கிய வாழ்வில் நீங்கள் பெற்றுக் கொண்ட பட்டங்கள், விருதுகள் யாவை?
பல்வேறு பட்டங்கள், விருதுகள் கிடைக்கப் பெற்றன. இவைகள் ஆள்பலம், பணபலம் என்பவற்றால் பெறப்பட்டவையல்ல. கலாபூஷணம், இலக்கிய வித்தகர், தேச கீர்த்தி, கலைநிலா போன்ற இன்னும் பல பட்டங்களும், பிரதேச, மாவட்ட, மாகாண, தேசிய மட்ட விருதுகள் பலவும் கிடைக்கப் பெற்றுள்ளது. எழுத்துக்களின் ஆளுமையை உறுதிப்படுத்துகின்ற இவ்விருதுகளால் எனது மனம் ரொம்பவுமே சந்தோசமடைகின்றது.
இலங்கையில் உள்ள தமிழ் பேசும் மக்கள் இலக்கியத்தில், கலையில் பெரிதும் நாட்டம் கொண்டவர்கள். கலை இலக்கிய கண்ணோட்டத்தோடு இவர்களது செயற்பாடுகள் அமைவதைக் காணக் கூடியதாக இருக்கிறது. கலையுள்ளமும், நற்பண்புகளும் நிறைந்த அவர்களுக்கு என்றைக்குமே எனது வாழ்த்துகளும், பாராட்டுகளும் இருந்து கொண்டிருக்கும்.
கலையும் இலக்கியமும் மனித வாழ்வியலை நெறிப்படுத்தும் நோக்கில் உருவானவை. மனித நேய வளர்ச்சிக்கு பெரும் உந்து சக்தியாகவும் துணையாகவும் இருப்பவை. எனவே கலை இலக்கியத்தை நேசிப்பதன் மூலம் முழு மனித குலத்தையும் தன்பால் ஈர்த்துக்கொள்ள முடியும். பேதங்கள் பிரிவினைகளற்ற வாழ்வியல் முறைமை பிறப்பாக்கம் பெறுவதற்கு கலை இலக்கியம் தொன்றுதொட்டு ஆற்றி வருகின்ற பணிகள் என்றைக்குமே பாராட்டப்படக் கூடியவை என்பதுதான் நான் கூறக்கூடிய செய்தியாக அமைகின்றது.
நேர்கண்டவர் - வெலிகம ரிம்ஸா முஹம்மத்
No comments:
Post a Comment